1934/2022-2023
Mamit 15th September, 2022 : Vawiin khan I&PR Conference Hall, Mamit-ah Swachhata Hi Seva, 2022 chu Pu Lalnunhlua, Mamit District Bawrhsap, Chairman, District Water & Sanitation Mission ni bawk chuan a hawng.

Pu Lalnunhlua chuan faina chungchang kan ngaipawimawh zel chu lawmawm a tih thu sawiin faina level kan tehna pawh a sang thei ang ber nise a ti. Tun dinhmunah Single Use Plastic kan kalpui mek chu a thlakna leh a aiawh tur a awm mai loh avangin thil khap harsa tak a nih thu sawiin Plastic kan hman tlem a, kan hman hnu pawh kan thehthang danah kan fimkhur a pawimawh thu a sawi. Faina nei turin tanrualna leh thawhhona tha a pawimawh ber thu sawiin Swachhta Hi Seva hnuaia hmalakna tur hrang hrangte a tarlang nghal bawk a ni.

He hunah hian Sub Hqrs. YMA Mamit aiawh leh Mamit District VC Association aiawh atangin thusawi ngaihthlak a ni bawk.

Swachhta Hi Seva, 2022 hi 15th September - 2nd October chhunga hman tur niin "Khaw faina tih hmasawn leh bawlhhlawh kumhlun thenfai" tih chu thupui atan hman a ni.

He hun hi Er. Helen Saibuangi, Executive Engineer, PHED/ Member Secretary, District Water & Sanitation Mission chuan a kaihruai a. Er. V. Laldanmawia, Sr. Sub-Divisional Officer, PHED Mamit WATSAN Sub- Division chuan lawmthu a sawi a ni.

Swachhata Hi Seva hawnna pual hian Govt. Mamit College zirlaite'n faina hnatlang Rally an nei nghal bawk.

Attachment

  • Loading attachment...