Vawiin khan School Education Department bultumin rampuma faina beihpui thlakna Swachh Bharat hnuaia hmalakna peng pakhul Swachhata Pakhwada (Cleanliness Fortnight)-2018 chu Govt. Chaltlang High School leh Govt. Chaltlang Higher Secondary School tualzawlah hawn a ni a, Swachhata Pakhwada hawn rual hian falna thutiam Shapath Day hman nghal a ni.

He hawnna hi Pu K. Laldingliana, Addl. Director, School Education-in a kaihruai a, Pu C. Lalhuliana, Joint Secretary, School Education Department chuan zirlaite hnenah faina thuchah sawiin falna thutiam a laktir nghal a ni.

Pu K. Lalthawmmawin, IAS, Secretary, Director of School Education pawhin thu sawiin fai hi a nuam a, a changkangin a hrisel bawk a, khawtlang vawng fai turin mawh mitin ten phurin faina nunpui turin zirlaite a chah a ni.

Swachhata Pakhwada (Cleanliness Fortnight)-2018 hi September ni 1-15, 2018 chhungin School Education Department hnuaia zirna in zawng zawngah hman a ni ang a, a tan ni September ni 1, 2010 hi inrinni-ah a tlak avangin August ni 31, 2018 hian a hawnna leh thutiam lakna (Shapath day) hman a ni ta a ni. School Education Department hnuaia thawktu thahnem lak leh Govt. Chaltlang High School leh Govt. Chaltlang Higher Secondary School-a zirlai 1000 chuangin faina thutiam hi an la a ni.

Attachment

  • Loading attachment...