Nimin (5.4.2017) khan N.Vanlaiphai a BADP sum hmanga Mini Sports Complex tur lungphum chu Mizoram State Women Commission Chairperson Pi Vanlalawmpuii Chawngthu, bialtu MLA chuan a hawng.
Pi Vanlalawmpuii Chawngthu chuan Mizoram Sawrkarin Mizo ?halaite hmakhua ngaiin infiamna hmanga eizawnna tha tak an neih theihnan bialchhung mamawh inkhelhna hmunhma tha tak mai siam a ni tur chu hmasawnna duhawm leh lawmawm tak a ni tih a sawi a. Sawrkar chuan infiam mite hlawhtlin nan theihtawp a chhuah a, a chhuah zel dawn a ni tih sawiin, phut let nei lova khua leh vengin hma a sawn theihna tura mahni mimal ram pe tu an awm leh zel thin Mizo te kan vanneihna a ni, a ti a. Bial chhung leh Mizoram tan he Sport Complex hi tangkai taka hman a nih ngei a duh thu sawiin, chhungkua leh khawtlang tan mi tangkai tak an nih theih phah tawh a ni, a ti bawk.
He Mini Sport Complex sakna tur ram hi Pu Lalthanmawia sailo, North Vanlaiphai chuan a pa North Vanlaiphai lal Lalnghinglova Sailo hriatreng nan a ram a pe a, Rural Department hnuaia BADP sum cheng nuai 14 hmangin he Mini Sport Complex sak hna hi thawh tan a ni.
