Vawiin chawhma ah khan CYMA hotute chu Social Welfare Minister Pu P.C. Lalthanliana Office ah lenglut in Aizawl khawpui chhunga CYMA hnuaia SRS hmalakna te an hrilh hriat a. SWD Minister leh CYMA hotute hian ruihlongaite nun kaihhruai that leh dan tur sawi hovin he hmalakna ah hian thawhho an rel a ni.

SWD Minister Pu P.C.Lalthanliana chuan tlawmngai pawl hrang hrang te leh sawrkar chu ruihlo do kawngah leh ruihlo bansan tawhte enkawl zelna kawngah an thil tum in ang mahse kawng hran theuhva hma an lak chuan an thawhrimte a lo thlawn ah a kalral mai ang tih a hlauhthawnawm thu a sawi a. Ruihlo ngai thin sim tum ten kawngdik an rawn zawh leh  turin kohran, tlawmngaipawl leh sawrkar te’n huang khat a hna an thawh ho a tul a ni a ti a. CYMA hmalakna chu fakin an hmalkna hrilh hriat thin tur leh an thawhhona chungchangah te sawihona la neih chhoh zel tha a tih thu a sawi a ni.

CYMA Office Bearers te hi an President Pu Lalbiakzuala in a hova, Minister nena an inkawmna ah hian Social Welfare Department hotute pawh an tel a ni.