Tun lai hian Agriculture Department chuan Buh chin dan thar System of Rice Intensification (SRI) hmangin District hrang hrangah loneitute buh chin an ziritr mek a, nikum leh kum hmasa lam aia uar lehzuala kalpui an tum mek a ni.

Aizawl leh Tlawng inkara Dihmunzawl ram Pi Kaphliri ramah leh Sairang kawng chhaka Pu Kapzela ramah DAO, Aizawl leh Directorate of Agriculture-a mithiamten SRI dan dik tak hmanga buh chin dan an enpui mek a ni.

Ni 12.7.2012 pawh khan Agriculture Director, Dr. C. Lalzarliana hovin Pu Lalthanzuala, SMS (Agronomy) leh Pu Tlangtimawia Zote, Insecticide Analyst te chuan Dihmunzawla Pi Kaphliri te chhungkuain SRI hmanga Buh an chin mek chu a hmuna kalin an enpui a, inches 10 dan zelah marker hmangin buh tiak ni 10 leka upa zai khat te tea phunna tur buatsaih dan te, tui pek dan chungchang te leh SRI hmanga buh chin a hlawk bik dan te a hmun ngeiah an zirtir a ni.

Hetiang zel hian kum tluanin Agriculture mithiamte chuan SRI tih dan dik tak hmanga buh chin an enpui dawn a ni.