Vawiin chawhma dar 10:30 khan Aijal Club-ah TB enkawlna chungchangah 2nd Quarter 2011 Review Meeting chu Mizoram hmun hrang hrang a TB programme enkawl tute nen neih a ni.
Meeting hi Dr. Vanlalhruaii, State TB Officer in a kaihruai a. He meeting hi Dr. C. Lalthanmawia, Director of Health Services chuan tel puiin, fuihna thu tha tak tak sawiin TB enkawlna chungchang thlir letna Quarterly Review Meeting, thla thum dana neih thin hi Mizorama TB enkawlna dan thar RNTCP hman tan anih kum 2003 atanga tun thlengin bahlah miah lova neih thin a nih thu te a sawi a, hei hian TB vei hmuhchhuah leh enkawlna kawngah rah tha tak a chhuah ani ati. TB natna avang hian ram economy a ti thuanthu in ram Gross Domestic Product (GDP) a tihhniam theih avangin TB umbo na kawngah nasa taka tan lak a tul thu a sawi a. Mi tupawh chawlhkar hnih chhung emaw a aia rei khuh chu TB vang ani thei tih hriain a rang lama inentir vat a pawimawh a. TB damdawi ei mek ten, MDR-TB an vei loh nan an damdawi ei tur zat (full course) tha taka an ei zawh a pawimawh a ni. MDR-TB damdawi hi kum khat leh a chanve atanga kum hnih chhung ei tur ani a. A man ringawt pawh hi mi pakhatin kum khatah Rs. 1,82,500/- vel sen a ngai a. Mizoramah DOTS Plus hi kan hman tan theih hunah chuan damdawi te hi a thlawnin Sorkarin damlo te tan a tum sak dawn a ni.
Dr.Gordon Zohmingthanga, Mission Director(NRHM) pawhin thusawiin tunah hian TB vei benvawn (MDR-TB) enkawlna turin DOTS Plus Site chu Falkawn Referral Hospital-ah sak mek a ni a. Building sak zawh anih veleh damlo te enkawl tan thei tura inbuatsaihna a kal mek thu a sawi a. Mizo te hian hna kan thawh that ang huin kan hnathawh tarlanna record vawn leh ziahfel thuah tan kan lak a pawimawh bawk a, TB enkawlna lama thawk tute chu supervision leh documentation lama hmahruaitu ni turin a ngen a ni.
He quarterly review meetingah hian April – June 2011 chhunga TB vei hmuhchhuah chungchang chhuibingna neih ani a. District hrang hrang atanga report a landanin tun kum April – June 2011 chhunga TB vei hmuhchhuah zawng zawng chu mi 604 an ni a, an zinga mi 141 chu an khakah TB hrik hmuh an ni a, heng zinga 103 (87%) chu enkawl dam an ni. Tun kum January - June 2011 chhunga TB vei hmuhchhuah zawng zawng chu 1192 an ni a. Heng zinga mi 252 te chu an khakah TB hrik hmuh ani a, an zinga mi 220 chu enkawl dam an ni.
He meetingah hian HIV-AIDS leh TB natna inlaichin dan chungchang zir hona neih anih bakah CMAI (Christian Medical Association of India) leh ZEP (Zoram Entu Pawl) te nen TB enkawlna chungchanga thawh ho dan tur sawi hona an nei bawk. District hrang hrang atangin District TB Officers, Senior Treatment Supervisors, Senior TB Laboratory Supervisors bakah Accountant te he meeting-ah hian an tel.
Close Menu
HomeWho's WhoDirector's Message
About Us
Mizoram
Mizoram House & Guest House
Govt. Heads
Acts & Rules
Govt. Holidays
Tender & Advertisement
Government of Mizoram
Government of Mizoram
Page Links: https://dipr.mizoram.gov.in/post/t-b-enkawlna-meeting-neip
T.B. ENKAWLNA MEETING NEI
Written
by: David L. Thangliana, MIS, Deputy Director
Dated: 3rd Aug 11 10:01 AM
<< PREVIOUS NEXT >>
<< PREVIOUS NEXT >>
INFORMATION & PUBLIC RELATIONS DEPARTMENT
SITE STATISTICS SINCE 2006
Total Visitors
15,81,335
Total Pageviews
16,02,561
Powered By Google Analytics
PRESS RELEASE ARCHIVES
![G20 Logo](http://assets.mizoram.gov.in/senhri/public/g20.png)
Official website for : DIRECTORATE OF INFORMATION & PUBLIC RELATIONS
Powered by SENHRI
A Content Management System provided by
Department of Information & Communication Technology, Government of Mizoram
Compatible with all modern browsers. Best Screen Resolution to view: 1280x1048
Powered by SENHRI
A Content Management System provided by
Department of Information & Communication Technology, Government of Mizoram
Compatible with all modern browsers. Best Screen Resolution to view: 1280x1048