No.1099/2020-2020

Nimin khan D.C. Conference Hall, Kolasib-ah Mizoram khua leh tui, Tamil Nadu leh Pondicherry a tangkhang, Bairabi Rail Station a rel hmang a lo haw turte Rel Station a lo buaipui dan tur leh District hrang hrang a thlah zui dan tur inhrilhhriatna hun, Dr. H. Lalthangliana, District Bawrhsap hovin Liasion Officer ruat te nen neih a ni.

Liaison Officer te hian an District chan theuh a mikhual lo thleng te hi Medical Screening tih zawh atangin an buaipui tan dawn a. Kolasib District Ramri thleng an thlah dawn a ni. Tangkhangte an mahni District theuh a an kalna tur Bus ruahman a ni a. Aizawl District tan Bus 21, Champhai tan Bus 5, Hnahthial tan Bus 1, Khawzawl tan Bus 1, Kolasib District tan Bus 3, Lawngtlai tan Bus 3, Lunglei District tan Bus 3, Mamit tan Bus 5, Saitual tan Bus 2, Serchhip tan Bus 2 leh Saiha District tan Bus 7 ruahman a ni.