No.1122/2020-2020
Vawiin tlailam dar 4:00Pm khan Gov't.Siaha College-ah Siaha district Disaster Management Authority member te thu khawm.
Vawiin meeting hi Pu Bhupesh Chaudhary, IAS, Chairman SDDMA leh bawrhsap ni bawk chuan kaihruaiin; meeting-ah hian Tamil Nadu leh Puducherry atanga lo haw mek Siaha district mi leh sa 136 lo dawnsawn dan tur sawi a ni a. Quanrantined Centre-a mawhphurhna chanvo hrang hrang vuantu te hnenah SDDMA puipa ten thil hriattur pawimawh leh tihtur leh tihlohtur hrilhhriattna hun an hmang bawk .Zawhna leh chhanna hun hawnah, mawhphurhna nei ten an hriat chian lo thilte an zawh te pawh chiang taka hrilhhriat an ni.
Siaha district mi leh sa 136 te hi Bairabi atangin Bus 7 in an lo haw mek a, an zavai hian Screening point, Excise & Narcotics Office, Meisatla-ah Rapid Antibody Test in an thisen lo endik vek an ni ang. RAT test a negative( -ve) te chauh Gov't. Saiha College-ah quarantine tura ruahmanna siam a ni a. RAT test a positive te chu Damdawiinah lak nghal an ni thung ang.
