No.840/2020-2021
Mizoram Sawrkarin North East state-a tangkhangte DRC te leh Group YMA-a 30.04.2020 atanga 02.05.2020 inkar a in report te tana ruahmanna a siamah khan mi engemaw zat rawn haw-in an district hawna tur theuhah quarantine facilities-te felfai takin ruahmanna siam a ni. Hetiang ruahmanna siam anih laiin Mizoram House a Deputy Resident Commissioner te leh min buaipui saktu Group YMA te hnena inhriattir lem lova mahni thu-a rawn tlan haw ve ta ringawt mi 150 chuang awmin, hei hian State Sawrkar ruahmanna siam te a ti thuanawp nasa hle a ni.
Lo haw thleng tawhte bakah hian North East state-ah tangkhang an la awm tih hriat a ni bawk a, tuna North East state-a la tangkhang mekte hi mahni duhthuin tumah lo haw rih lo tura hriattir an ni a, mahni tangkhanna state-a Mizoram House-a Deputy Resident Commissioner-te emaw Group YMA President-te hnena lo in report tura hriattir an ni.
Deputy Resident Commissioner leh Group YMA awm lohna state-ah chuan covidstrandedmz@gmail.com ah Hming leh kum, Pa Hming, Mizoram Address, Tangkhanna state leh khaw hming, Tangkhan chhan, EPIC/Adhaar No., Mahni motor neih leh neih loh, Mahniin motor an arrange theih leh theih loh leh Contact number in-report tur a ni.
State Sawrkarin ruahmanna felfai tak a siam hma chu tumah rawn haw lo tura ngen leh hriattir an ni.
