No.978/2021-2022
Aizawl 15th June 2021: Vawiin khan Aizawl DC chuan Tanhril Vengthar hmun thenkhat chu Containment Zone/Area-ah puan tawh chu hlih a nih thu a chhuah a. Hemi chungchanga DC thuchhuah chu a hnuai a mi ang a ni e.
The Mizoram Epidemic Diseases (CoVID-19) Regulations, 2020 Para 11(1)(b) behchhan leh he Office lehkha No. C.16011/298/2020-DC(A)/Lockdown Dt. 24/05/2021 hmangin Tanhril Vengthar hmun thenkhat chu Containment Zone/Area-ah puan a lo ni tawh a. Tin, Aizawl DC Office lehkha No. C.16011/298/2020-DC(A)/Lockdown Dt. 09/06/2021 hmangin Tanhril Vengthar Containment Zone/Area-a lo puan tawh hmun thenkhat chu sawrzim Order chhuah a lo ni tawh bawk.
Chief Medical Officer, Aizawl West in zirhchianna leh a tul anga hma a lak hnuin Tanhril Vengthar huamchhunga mite hi tun dinhmunah mi tumah COVID-19 avanga dinhmun hlauhthawnawmah an awm tawh loh avangin Containment Zone/Area hi hlih rawtna a rawn thlen a. He rawtna ang hian a hnuaia Tanhril Vengthar Containment Zone/Area-a lo puan tawhna chu 15.06.2021 (Thawhlehni) tlai dar 5:00 atangin hlih a ni.
Covid-19 laka kan himna tura sorkar kaihhruaina (SOP) siamte vengchhung mipuiten zawm tha chhunzawm zel tura hriattir an ni e.
