No.1311/2020-2021

1. Vawiin chawhma dar 11:30 khan Director, FCS&CA Office Chamber ah Dr. Lalhriatzuali Ralte, IAS Director, FCS&CA and Controller, Legal Metrology hovin Horticulture, Commerce & Industries, FCS&CA leh Legal Metrology Department hotute an thukhawm a, tunlai chawhmeh leh thildang man sang chungchang an ngaihtuah.

Meeting- ah hian chawhmeh, thlai leh sa (meat) man to chungchanga hmalak dan tur relin thlai hnahte pawh a tel a zuar lova a buk ngeia buk nise tih a ni a, sa man veng hrang hranga in anglo nuaih mai te pawh ngaimawhawm an tih thu tarlangin naktuk 23.05.2020( Inrinni) atangin veng hrang hranga chawhmeh zawrhna hmun leh lakluhna hmun, Sairang leh Sihphir te fanga zir chian nise, chumi atanga hmalak dan tur sawiho leh nise tih an rel.

Tun dinhmunah Cement pawh lo luh belh zelin quality tha lo leh buk tlinglo report pawh a la awm mang lo ni a an hriat thu meeting ah hian sawi lan a ni a. Cement hi a that leh that loh (quality) hrechiang duh tan Jt. Controller, Legal Metrology, Hunthar Veng ah endik (test) tir theih reng a ni tih an tarlang bawk. Heng bakah hian POL leh Essential Commodities dangte pawh harsatna awm lovin mamawh ang tawk lakluh theih zel niin hriat a ni a, hengte hi to uchuak a hralh hriat a la awm lo ni a hriat a ni.

Bungraw phurhna man (transportation charge) sang avanga thil man sang chungchang pawh meeting ah hian sawi lan a ni a hei hi thil serious tak a nih avangin hotu sang lamah thlen nise tih an rel bawk.

2. COVID-19 vanga harsatna thleng do let nan Central Sawrkar chuan Adma Nirbhir Bharat(ANB) scheme hnuaiah buhfai, hmundanga tangkhang – Ration Card nei lo leh NFSA pawhin a huam lohte tan May leh June thla atan mi pakhatah thlakhat atan 5 kgs a thlawn a sem tur allocation min rawn pe a. He buhfai dawng thei turte hi LLTF/VLTF lamin an thlang chhuak mek a, heng an thlang chhuah te hi DC leh DCSO ten lo lakhawmin Department chuan sem theih turin an buatsaih mek a ni.

ANB hnuaia buhfai hi tunah phurh chhuah mek niin May thla quota pawh tun thla chhung ngeia sem chhuah hman turin Supply Department chuan theihtawp a chhuah mek bawk.

3. Social Distancing maintain-na atana State pawn atanga buhfai rawn phur lut truck te lo endik nana Supply Department in temporary check gate, Buichali a a siamah tunah hian truck tangkhang awm lovin unloading tih zawh vek an ni rih. Heti chung hian he checkgate ah hian Supply Department chuan duty dah chhunzawm zelin buhfai phur truck lo lutte endik hna leh a tahtawla khawpui chhung a luhtir zel hna chu a thawh chhunzawm zel dawn a ni.