TATA Motors Ltd. chuan an motor siam zinga mi TATA LPK Tipper chu Mizoram-a 300 chuang a hralh tak lawmna hun chu vawiin tlai dar 3:00 khan Chanmari YMA Hall, Aizawl-ah an hmang a, Transport Minister Pu P.C.Zoramsangliana chua Khuallian a ni. Hetah hian Company lam atangin Pu Rajeev Mehra, Regional sales Manager (East) leh Pu Swarup Mandal, Product Accounts Manager (LCV) te an lo kal a ni.
Transport Minister chuan lawmpuina thusawiin TATA LPK 407 Tipper chu motor lian lo, hman tlak si leh khawl rintlak tak a ni a, Mizorama hnathawhna atan inrem tak nia a hriat thu a sawi a. Mizorama TATA Motors dealer Pachhunga & Sons te chu India rampum huap pawha hralh hnem ber an lo hauh thei chu a lawmawm hle a ni tiin a duhsakna a hlan bawk.
He lawmna hunah hian lucky coupon siam a ni a, hei hi TATA LPK 407 lei tawh zawng zawng te tana siam a ni a - 1st prize : Scooty, 2nd Prize : Flat TV 29”, 3rd Prize : Microwave oven leh lawmman dang engemaw zat siam a ni. Hei bakah hian November 2008-January 2009 inkara TATA truck te chi (Light Commercial Vehicle) lei zawng zawng tan lucky draw siam a ni bawk.
