No.1126/2020-2021 

Aizawl the 16th May, 2020: Mizoram sawrkarin COVID-19 dona tura hma a lakna kal zelah vawiin khan TATA TRUSTS - NEIDA (North east Initiative Development Agency) hnen atangin Hand Sanitizer litre 2,200 chu Chief Minister Pu Zoramthanga chuan a dawng. Vawiin a Hand Sanitizer dawn bakah hian New Delhi Mizoram House-ah TATA TRUSTS - NEIDA atang hian PPE Full Body Suit 2,000, Face Mask 22,000 leh Gloves 10,000 lo hmuh a ni tawh a. Heng bakah hian Ventilator leh bungraw mamawh dang beisei mek a ni bawk. 

Chief Minister Pu Zoramthanga chuan TATA TRUSTS atanga a thlawn a puihna Mizoramin a hmu chu lawmawm a tih thu leh, he hri leng do tur hian kan zavaia theihtawp kan chhuah tlan a ngaih thu a sawi a ni.

Chief Minister hi Tourism Minister Pu Robert Romawia Royte chuan a  tawiawm a. Ani hian TATA TRUSTS leh Mizoram sorkar indawrnaah hma a lakpui a ni. Vawiina bungraw dawn hi NEIDA State Programme Coordinator Pu B. Lalrinkima chuan Chief Minister hnenah a hlan a. Heng bungruate hi Health & Family Welfare Department office ah dah nghal a ni.