2580/2023-2024

Dated Serchhip, the 1st November, 2023: Election Commission of India(ECI) chuan State Goods and Services Tax (SGST) khawihtu State Taxation Department a phut angin, Commissioner of State Tax, Mizoram chuan Mizoram district hrang hranga Taxation office-te Mobile squad te din tur leh, a ranglama hma la turin thu a pe a. Hemi bawhzui hian vawiin 01/11/2023 hian Deputy Commissioner of State Tax, Serchhip Zone staff te chuan Thenzawl khaw chhunga dawr lian hrang hrangah mobile checking an nei.

He mobile checking hi Pu Vanlalruata Ralte, Asst.Commissioner of State Tax hova neih a ni a. Serchhip khaw chhungah pawh mobile checking hi neih chhoh mek a ni. He mobile checking-in a tum ber chu, kan hma lawka MLA General election lo awm tur denchhena political party-ten sumdawngte kaltlanga dawr bungraw hrang hrang election campaign nana lo hman awm palh thei venna tur a ni. Hetianga physical checking an neih bakah hian Taxation Department officials-te chuan GST portal(GST Network) atangin Serchhip District chhunga GST hnuaia dawr in register te election dawn hnaiha tam uchuak taka bungraw chah lut thar hluai leh chhiah pe tam thar hluai an awm em tih te, online-a an chhiah pekna leh bungraw lakna atangin an en bawk a ni. Heta an thil hmuhchhuah hi Commissioner of State Tax, Mizoram office-ah an report anga, Commissioner of State Tax office atangin Election Commission of India (ECI) hnenah report pek leh a ni ang.