Vawiin chawhma dar 10:30 khan TB enkawlna chungchangah 1st Quarter 2012 (Jan - March 2011) Review Meeting chu Health Directorate Conference Hall, Dinthar-ah neih a ni.

Meeting hi Dr. Vanlalhruaii, State TB Officer chuan kaihruaiin Dr. Ramfangzauva, Director of Health Services chuan thusawiin, TB vei ten damdawi petu mithmuh lai ngeia damdawi an ei hi an damna tur anih avangin leh damdawi ei thalo te hi tihdam hleih theih loha an awm thin avangin, damlo kan enkawl mek te dinhmun hriat nan thawk tuten kan umzui a pawimawh thu a sawi a. Dr. Harvey Vanlalpeka, Asst. Programme Officer (RNTCP) chuan 1st Quarter 2012 chhunga state dinhmun sawi in presentation a pe a, hmasawn dan Ieh hma thar lak dan tur te sawi zui nghal ani bawk.

January - March 2012 chhunga TB vei thar hmuhchhuah zawng zawng chu mi 596 an ni a, an zinga mi 154 chu an khakah TB hrik hmuh an ni a, khaka TB hrik hmuh loh TB enkawl 138 awmin, chuap pawn lam TB vei 201 an awm. Tunah hian Multi Drug Resistant TB (MDR-TB) vei enkawl lai mi 22 an awm bawk. Kum 2011 chhunga TB enkawlnaah Lunglei District chu district thawk tha ber an ni a, certificate hlan an ni.

He meeting ah hian District hrang hrang atangin Chief Medical Officers, District TB Officers, Senior Treatment Supervisors, Senior TB Laboratory Supervisors, DOTS Plus Supervisor, Accountant Ieh DEO te he meeting-ah hian an tel bawk.