Nimin khan Tea Board of India, Govt. of India hotute Pi Rosni Sen, IAS, Deputy Chairman leh a thawhpui Pu Rakesh Saini, Executive Director-te chuan Mizoram ah Thingpui chinna atana Industries Department ruahmanna en turin Aizawl an lo thleng a. Nimin tlai dar vek khan Pu R.L. Rinawma, Commissioner & Secretary, Industries Department office-ah Industries Department Officers-te nen thingpui chinna atana hmalak ho dan tur an sawiho.

 

 

Vawin khan Baktawng hmuna Tea Grower Society Seed-bed Nursery en turin Tea Board hotute leh Industries officer-te hi kalin Baktawng khuaa Industries Department-in thingpui chinna tura an hmalaknate an tlawh. Pu Shurbir Singh, IAS, Director of Industries, Pu M.N. Saikia, Project Director, Pu Talhmunsiama, Project Manager, Pu Lalrammawia, Deputy Director (Admn.), Industries Department leh staff engemaw zatin an tawiawm a ni. Pi R. Sen, IAS, Deputy Chairman chuan Small Tea Growers Society leh mipui sang chuang hmuaktute hnenah Tea Board of India chuan Mizoram sum hnar atan thingpui chingtute chu an thawh hah ang phu zelin a tanpui tur thu a hrilh.

Industries Department hnuaiah hian khaw 5 - Baktawng, Khawzawl, Saipum, Saiphai leh Bungthuam khuaah te chhungkaw 300 theuh thingpui ching tura thlan an ni a, thingpui nursery siam mek niin khaw khatah thingpui tiak 3,20,000 theuh kui tur a ni.. Heng khaw 5 bakah hian khaw dang 20 laiah hma lak belh an tum bawk.
 
Vawin chawhnu khan Tea Board hotute hian Pu Lalkhama, IAS, Vice Chairman, Planning Board leh Pu Vanhela Pachuau, Chief Secretary te nen hmalak dan tur kawng hrang hrang an sawiho nghal a ni.