Vawiin khan Education Minister Pu Lalsawta kaihhruaiin a office chamber ah Teachers Day hman dan tur ngaihtuah a ni a. He meeting-ah hian District hrang hrang a District (Bawrhsap) te an tel kim hle. Education Minister hi Pu Chawngtinthanga, Parliamentary Secretary i/c Education leh Pu K.S. Thanga, Parliamentary Secretary i/c Agriculture ten an tawiawm bawk a ni.
Kum danga lo tih thin angin he Ni pawimawh tak pual hian Zirtirtu natna khirh deuh veite hnenah tanpuina hlan leh nise tihte, Token Flag leh Car Flag te zawrh leh nise tihte a tel.

Zirtirtu damlo an tanpui thinna chhan hi sawifiahin Minister Pu Lalsawta chuan heihi  zirtirtu damlo tanpuina satliah mai nilovin khawtlang tana theihtawp an lo chhuah tawhna te hriatpui nan leh an laka ba rulh ve na hun remchang a ni a ti.