State Level Working Committee, National Foundation for Teacher’s Welfare hnuaia Fund Raising Sub-Committee NFTW chu nimin khan School Education Jt. Director Pu B.Lalchhuanliana hovin zirtirtu pawl hrang hrang aiawhte leh Education Department officials te an thukhawm a. Kumin Teachers’ Day puala zirtirtu tanpui ngai tanpuina tur sum peipun chungchang an sawiho a ni.

Kumin atang hian Teachers’ Day lawmnaah School bakah College leh University te pawh telh an ni tawh dawn a, Teachers’ Welfare Fund pawhin school zirtirtute bakah College leh University zirtirtute a huam tawh dawn a ni. Nimina Sub-Committee thukhawm chuan district zawng zawngah school hrang hrangte zawrh tur ball-pen 1,50,000 leh key-chain 30,000 siam an rel a, heng hi mipuiten zirtirtu harsa zualte tanpui nan a ni tih hre renga lo lei turin a chah bawk.