No.1364/2020-2021
Covid-19 hripui leng vanga Telengana State a tangkhang Khawzawl district mi leh sa 26, Mipa 8 leh Hmeichhia 18 te chuan nizan May Ni 24 zanlai khan Bus 2 hmangin tluang takin Khawzawl an rawn thleng a. Khawzawl Bawrhsap Pu H.Lianzela hova lo hmuah thlen niin, lawmna leh fuihna program tawi neih a ni.
Bawrhsap Pu H.Lianzela'n lawmna leh fuihna thuchah tawi a sawi a. Rev.Malsawmtluanga, Khawzawl Venglai Presbyterian bialtu Pastor chuan tawngtaina hun a hmang bawk.
He inhmuahna hunah hian Khawzawl SP Lalchunglura, Add DC Pu Paul L.Khuma, CMO Dr.Lalngaihawmi leh a hote te bakah Joint VCP te Khawzawl Darngawn VC Member te an tel a ni.
Medical Team te'n Rapid Antibody Test te lo tihsakin an vai hian an negative vek a. Quarantine Center tura ruat JNV Building-ah ni 14 chhung khung hran tura dahlut an ni
