Vawiin khan Mizoram Youth Commission leh Mizoram Building & other Construction Works Welfare Board bultuma Emporium Training Consultancy Pvt., Ltd. Kolkata a Professional course hrang hrang, Aviation, Hotel Hospitality, Travel, Tourism sector a training zo Mizo thalai mi 39 te hnena certificate hlanna programme chu Horticulture Conference Hall, Aizawl ah Pu T. Sangkunga, Chairman, Mizoram Youth Commission hovin neih a ni.

Certificate hlanna programme, Pu Lalhmachhuana, Director, LE & IT kaihhruaiah hian Pu T. Sangkunga chuan Training zo India ram chhung leh Foreign a hna thawk mek leh training zo tawh hna zawng mekte fuihna thu sawiin Certificate hlanna hun a hmang a, Pu Francis Lianmawia, Asst. Welfare Commissioner Works Welfare Board (LE &IT Deptt.) in lawmthu sawina hun hmangin Certificate hlanna hun hi a khar a ni.

E &TC, Kolkata ah hian Workers Welfare Board leh Mizoram Youth Commission hmalakna-in thalai (Mipa & Hmeichhia) 80 (sawmriat) tirh an ni tawh a, an zinga engemaw zah hian Sector hrang hrang, Aviation, Shakespeare & Co., Dubai, Radission Blu, Taj Vinanta, Bangalore, ITC Martha & ITC Grand Central, Mumbai & Westin, Pune, etc. ah te thalai rual mi 60 in hna an thawk mek a hna zawng mek leh Mizoram a thawh tum mi 20 rual an awm mek bawk a ni. Certificate hlanna hun hi Dr. J.T. Vanlalngheta, Secretary MYC leh Pu Anirban Mukherje, Manager (Operation) Emporium Training & Consultancy Pvt., Ltd. Kolkata ten an hmanpui a ni. Certificate hlanna hunah hian Dr. J.T. Vanlalngheta, Secretary MYC leh Pu Anirban Mukherje, Manager (Operation) Emporium Training & Consultancy Pvt., Ltd. Kolkata-te pawh an tel.