Mizoram sorkar chuan zirna kawngah emaw infiamna leh hna zawn chungchangah te thalaite hamthatna tur theih patawpin in a ngaihsak dawn a ni. He thu hi Industry Minister Pu S. Hiato in vawiina Taekwondo infiammi 14 te hnena Black Belt hren tirna huna a sawi a ni.

Mizoram Amatuer Taekwondo Association huaihawtin Mizo Teakwondo infiammi 10 te hnenah Black Belt Ist Dan, 3 hnenah 2nd Dan leh 1 in 3rd Dan an dawng a. Certificate te chu Minister hian heng infiammite hnenah hian a hlan a ni.

I & PR Auditorium-a Black Belt hlanna pual inkhawmah hian Industry Minister chuan infiamna chi hrang hranga infiammi ten tih tak zeta an tih hian zuk leh hmuam ei leh in leh nun kawng danga insumna a kentel thin avangin hetiang hi sorkar chuan a tuipui a, chawisanga an hmakhua ngaihsak zel pawh sorkar thil tum a ni a ti a. Mizoram leh rampum tana hmingthatna thlen tur pawhin a beisei thu a sawi a ni.