Thla leh December ni 15, 16 leh 17 khian Thalfavang Kut, 2016 chu Tuirial Airfield ah a duh apiang chhim turin buatsaih a ni leh dawn a, mipui a duh apiang ten hlim taka hun an hman theihna turin programme duan a ni ang.

Hemi chungchang ngaihtuah hian Thalfavang Kut 2016 Working Committee chu an Chairman Pu V. Lalremthanga, Secretary, Tourism hovin vawiin khan an thukhawm a. Kut neihna atana inpuahchahna te thlir ho a ni.

Thalfavang Kut chhung hian ennawm leh intihhlimna changkang tak tak buatsaih a ni dawn a. Ni 15 leh 17 December ah phei chuan Royal Stag Mega Music Festival neih a ni dawn a, Delhi leh Kolkata atanga zaithiam rual India rama band lar pahnihte an zai dawn a, Mizo zaithiamte pawh an zai bawk ang. Kut ni 3 chhung hian MIMSA in Bike racing a huaihawt ang a, rifle kah te, hot air baloon leh gliding te tih a ni bawk ang.

Kut Organising Committee chuan mipui a duh apiang he hunpui ah hian tel turin an sawm a ni.