Mizoram sorkar mi pawimawh Council of Ministers leh Parliamentary Secretary te kaihza vengtu ber Private Secretaries leh I & PR Department inkara thawhhona tha lehzual a awm theih dan tur chungchang sawihoin vawiin chhun khan I & PR Conference Hall-ah inkhawm neih a ni.

 

 

I & PR Director Pu Jim K. Chozah chuan thu hmahruai sawiin Mizoram sorkar-a mi pawimawh zual VIP te thu leh hla, an zinna leh programme hrang hrang an kalna te hi I & PR Department chuan a theih ang tawkin mipui hriat turin a puangzar thin a. Tualchhung thuthar lakhawmtu hrang hrangte pawhin rin berah an neih tak avangin hemi kawnga tha lehzuala thawhhona a awm theih nan hetiang hun hi buatsaih a nih dan a sawifiah a. Private Secretary te chu VIP te vil hnai tu ber official leh mimal thil pawha an pu te enkawltu ber an nih avangin I & PR Department nen thawhhona tha neih leh zual a tul thu te sawilan a ni.

He hunah hian inpawh taka in kawm ho niin rawtna hrang hrangte pawh siam a ni.

 

Hetianga thawhho dan tur sawihona I&PR Deptt. in a buatsaih hi a lawmthu leh thil tangkai tak a nih a beisei thu I&PR Minister Pu Zodintluanga chuan a sawi.