2853/2022-2023
Aizawl the 29th November 2022 : The IBM SkillsBuild - School Chapter chu 28th November 2022 Govt. Mizo High School ah Dr. Lalriatzuali Ralte, IAS Deputy Commissioner Aizawl District leh The District Skill Committee Chairperson of Aizawl District in a hawng a. LESDE Director Pi Angela Zothanpuii, District Labor Employment Officer leh member secretary of District Skill Comm, Pu Vanlalhruaia Sailo, IAS probationer Mr. Aaquib Mohhammad, Project Associate – IBM Skillsbuild Mr. Shubham Naskar, Head Master Mizo High School Pu Hmingchungunga, Mahatma Gandhi National Fellow leh member of District Skill Committee, Aizawl District Miss Akshaya Jalasteen ten an tawiawm a ni.
The IBM SkillsBuild – School Chapter phase one hian school thlanbik 15 (sawmpanga) a huam ang a November 28th atanga December 7th thleng awh tur ni. Hemi project hi Govt. of Mizoram District Skill Committee, Aizawl District, leh IBM Global CSRBOX nen a tangkawp a neih a ni a. District Skill Committee, Aizawl District hi India ram pawn a kut themthiam zirna neihna tura thawhhona nei hmasa ber a ni a. District a New Education Policy 2020 tih hlawhtlin nan a hmalakna a ni bawk a ni.
Hetia inthlunzawm hian Mizoram a zirlaiten kumkhua in IBM a thil awmte a thlawn in an hmangtangkai thei dawn a, cheng nuaih za tel a a universities ah leh school ah te an hralh thin ang kha a thlawn in an hmang thei dawn phah a ni. IBM certification online leh offline course zirlai leh zirtirtute tan a awm a, software download theih a a thlawn in, internship leh hnathawhna tur an ngaihtuah pui thei bawk a zirlai duh tan, India ram pawn lam thleng a in zir belh duh tan pawh kawng a siamsak thei a ni.
Hemi project denchhen hian The “Aizawl TechSchool Competition” huaihawt a ni a. St. Paul’s Higher Secondary “Best Tech School of the Year” pek a ni a, Ramhlun South High School chu “ Best Tech School of the Year (High School)”, Mr. Pebam Binodkumar, St. Paul’s HSS chu aw”Best Tech Instructor of the Year” a dawng a, Pu Lalenghluna, Govt. Mizo High School chu “Best Tech instructor of the Year (High School)”a dawng a. Miss. Chhavi Joshi, Class XII St. Paul’s HSS chu “ Senior Tech Wizard” award pek a ni a. Miss Faith Lalremruati, Class X St. Paul’s HSS chu Junior Tech Wizard” awarded a dawng bawk a ni.
Hemi College Chapter hi college 10 (sawm) ah neih a ni tawh a, phase October 31st to November 11th chhung khan zawh tawh a ni. Hemi project hi Mahatma Gandhi National Fellow IIM Lucknow hnuaia Ministry of Skill Development and Entrepreneurship, Govt. of India in Aizawl District leh District Skill Committee of Aizawl Dr, Lalriatzuali Ralte IAS, Aizawl DC hnuaia kut themthiamna leh eizawnna tlak nei thei tur a training pekna tur atan leh New Education Policy 2020 ti hlawhtlinna atana Aizawl District a din a ni.
