Vawiin chawhma khan DC Conference Hall, Kolasibah ‘The Mizoram Government Land Pooling and Management Scheme’ chungchanga sawrkar thuchhuah bawhzui nan Pi Sangchhin Chinzah, Deputy Commissioner, Kolasib District chuan Department hrang hranga hotute a ko khawm a. Kolasiba sawrkar ram neih, hawh leh luahlai te felfai tak a chhinchhiahna siam a, lehkha pawimawh awm ang zawng zawng te chu State Level Government Land Authority a thehluh a ngaih thu a tarlang.

Sawrkar department ram neite chuan an ram neih te chhinchhiahna leh lehkha pawimawh awm ang angte chu State Level Government Land Authority ah an thehlut tur a ni a, mi ram hawh a office luah te pawhin an luah chin te felfai taka ziak a thehluh tur a ni. The Mizoram Government Land Pooling and Management Scheme in a tarlan dan chuan General Administrative Department ah Sawrkar department ram neilote chuan ram an neih loh thu an thlen tur a ni a, an mamawh dan a zirin Sawrkarin ruahmanna a siam sak dawn a ni.

District Level Government Land Authority hian district huam chhunga Sawrkar department hrang hrang te ram chungchangah State Level Government Land Authority thurawn a pe thin dawn a ni.