1455/2022-2023

Dated Serchhip, the 4th August, 2022:  Gujarat Grassroots Innovations Augmentation Network (GIAN) chuan The Honey Bee Network Creativity and Inclusive Innovation Award buatsaihin, mipuite mamawh leh an harsatna sutkianna tur thil ngaihtuah chhuak thiam leh chutiang thil thar siam tur hre tute (Creative Idea & Innovation) tanpui nan leh an thil ngaihtuahchhuah a taka chantir a nih theih nana lawmman dil theihna hun a hawng mek a. Hetiang lama theihna neite tan dil theih a ni.

An thil ngaihtuah chhuah chu nitina mipuiten harsatna an tawh chhawk zangkhai theihna lam thil a ni tur a ni a, environment lam thilte, inchhung bungraw mamawh lam thil tinreng te, Industry lama technology thar te, Agriculture leh Engineering peng hrang hranga thil tharte a ni tur a ni. Mi pakhatin thil pakhat aia tam a thehlut thei ang a, a tha thlan chhuahte chuan an thil ngaihtuah chhuah chu a taka an chantir theih dan tur ngaihtuahpui a ni ang. August ni 31 hmaa thehluh theih a ni e. Hun tiam chhunga thehlut hman lote pawhin an thehluh zui phal sak a ni a, nimahsela nakkumah endik sak an ni thung ang.

Thehluhna hmun hi: hbncriia@gian.org ah a ni.