No.3858/2020-2021

National Highway – 306 kawng siam mek ah lirthei tangkhang tam tak an awm avangin, heng lirthei khalhtu (driver) leh handyman-te Rapid Antigen Test hmangin test neih tura ruahman a ni a. Medical test chak zawka kalpui a nih theih nan leh mipui him zawk nan, “The Mizoram Epidemic Diseases (COVID-19) Regulation 2020” Clause 11 (1) leh “Disaster Management Act 2005”in thuneihna a pek angin Dr. H. Lalthlangliana, Deputy Commissioner, kolasib district chuan a hnuaia tarlan ang hian thupek a chhuah:

Hmawngkhawthlir atanga RTP Farm, Sethawn inkar chu Containment Zone-ah puan a ni a. Hei hian Thingdawl khaw chhung zawng zawng pawh a huam ang.

1.Containment Zone chhungah mihring leh lirthei eng chi mah luh leh chhuah phal a nilo.
2.Containment Zone chhunga awm mipui vantlang tumah pawn chhuah phal a nilo.
3.Containment Zone -a lirthei tangkhang khalhtu (driver)leh handyman tumah an lirthei atangin an chhuak/chhuk tur a nilo.

He Order hi Dt.06.08.2020 Dar 06:00 PM atangin thuleh awm hma chu hman tur a ni.

He Order hian dan leh thupek kengkawhtu, Medical duty, Ambulance, Fire Service leh District Magistrate-in phalna bik a pekte erawh a huam lovang.

He thupek zawm lo chu an chungah dan anga action lak a ni ang.