Green Mizoram Programme kalzel bawhzuiin vawiin khan City Park, Aizawl-ah zirna in hrang hrang compound-a phun turin thingtiak chi hrang hranga thlawna sem a ni a. Thingtiak semna hi Pu Lalthangliana Murray, DFO, Aizawl in kaihruaiin Dr. S.S. Garbyal IFS, PCCF Mizoram in a vailiam a ni.
Zirlai tam tak pungkhawm hmaah PCCF Mizoram chuan tunlai khawvelah thing phun uar a pawimawh thu tarlangin, an thingtiak lak ang ang hi enkawl zuia tipuitling ngei turin a chah bawk. Thingtiak semchhuahte hi naupangten anmahni Class pual theuhin an phun ang a, kum lo kal zel turah pawh entirnan - Class III phun chu Class III vekin enkawl zui chhoh zel ni thei se, a puitlin awlsam tur thu a sawilang a, Naupangte chu environment humhalh kawngah hruaitu ni turin a sawm bawk.
DFO Aizawl chuan naktuk (zirtawpni) atangin mimal thingtiak mamawh tan City Park/DFO Office, Aizawl-ah sawmhnih khat vel aia tam lo lak theih anih tur thu a sawi.
Thingtiak hi zirna in hrang hrang 20 chuang zetah 15000 bawr vel pekchhuah a niin chung thingtiakte chu kumtluana hring reng chi, a parmawi chi, a rah ei theih chi, a kung mawi chi hrim hrim leh a rah sava tlan chi te an ni tlangpui a. Thingtiak semchhuahna te hnenah a phun tam lam aiin enkawl puitlin pawimawhzia uluk taka chah vek an niin thingtiak chungchangah pawh hian duh ang tawk tawk lak phalsak an ni lo a ni.
He thingtiak semna programme hi Pu Rosiama Vanchhawng, Conservator; Pu L.R. Thanga, Chief Wildlife Warden leh officer dangten an hmanpui a ni.
DFO Aizawl chuan naktuk (zirtawpni) atangin mimal thingtiak mamawh tan City Park/DFO Office, Aizawl-ah sawmhnih khat vel aia tam lo lak theih anih tur thu a sawi.
Thingtiak hi zirna in hrang hrang 20 chuang zetah 15000 bawr vel pekchhuah a niin chung thingtiakte chu kumtluana hring reng chi, a parmawi chi, a rah ei theih chi, a kung mawi chi hrim hrim leh a rah sava tlan chi te an ni tlangpui a. Thingtiak semchhuahna te hnenah a phun tam lam aiin enkawl puitlin pawimawhzia uluk taka chah vek an niin thingtiak chungchangah pawh hian duh ang tawk tawk lak phalsak an ni lo a ni.
He thingtiak semna programme hi Pu Rosiama Vanchhawng, Conservator; Pu L.R. Thanga, Chief Wildlife Warden leh officer dangten an hmanpui a ni.
