Sorkar laipui Ministry of Rural Development chuan Mizoram thingtlang khua inkalpawhna kawngpui siam nan Grant-in-Aid angin Rs.10,00,00,000/- (Cheng Vaibelchhe 10) a ruahman. He sum ruahman hi Mizorama PMGSY hmalakna kal mek Phase 5-na atana sum pek chhuah vawi 2-na a ni. He sum hi Nabard kaltlangin Mizoram he hna kengkawhtu Mizoram rural Roads Development Agency kutah hlan a ni ang.
Pradham Mantri Gram Sadak Yojana (PMGSY) hi rampum hmun kilkhawr zawk tlawhpawh tura kawngpui sialna a ni a, a senso pumpui sorkar laipui tum a ni. Mi 500 aia tlem lo awmna khua leh tlangram leh thlaler bialah te erawh mi 250 aia tlem lo chenna khuate chu he ruahmanna hman tangkai hian kawngpui tha tak a fur a thal a kal theiha tlawhchhuah tir veka tum a ni.
