No.940/2021-2022

Aizawl, 12th June, 2021 : Vawiin khan Pu Lalchamliana, Minister, Disaster Management & Rehabilitation chuan nizan lama Thuampui Veng-a Lungrem chimin a hnawl, Pu Lalbiakzuala te chhungkua leh leimin-na hmun a tlawh.

Pu Chama hian chhiat tawhna lo thleng chuan a barakhaih  thu leh nunna hlu tak 4 (pali) lai mai chân an awm chu pawi a tih thu leh a tawrhpui thu te a sawi.

Khuarel chhiatna ni lo, fimkhur tawk loh leh inthlahdahna avanga chhiatna thleng a awm ṭhin chu thil pawi tak a nih thu sawiin, he chhiat tawhna thlen chhan chhui chiang turin Deputy Commissioner, Aizawl chu a hriattir nghal bawk.

Pu Chama hian chhiat tawk chhungte ral nan ₹ 10,000/- leh Ṭhuampui Local Council te hnenah hnatlang thingpui lumna turin ₹ 5,000/- a pe bawk. Aizawl bawrhsap Dr. Lalhriatzuali Ralte chuan chhiat tawk chhungte ralna pawisa fai leh Ṭhuampui Local Council ten hnatlanna-a an hman tur Silpouline engemawzat pe nghal bawk.

DM&R Minister hian SDRF Scheme aṭangin chhiat tawk te ṭanpuina chu Sorkar-in Dan a neih mek angin hmalakpui a nih tur thu a sawi.

Pu Lalchamliana, Minister, DM&R hi Dr. Lalhriatzuali Ralte IAS, D. C.,Aizawl, Pu John LT Sanga MCS, Director, DM&R, Pu C. Lalruaia MPS, S. P, Aizawl, Pu Vanlalneia, AMC Councillor, Ward No. VII ten an ṭawiawm a ni.

Attachment

  • Loading attachment...