Mizoram PWD ( Highway Division ) chuan ni 5 August, 2017 (Inrinni) leh Ni 7, August 2017 (Thawhtanni) inkarah Dapchhuah/Tut leihlawn (Concrete bridge ) siam mek chu a enchhinna ( Load testing ) an nei dawn a,Tut leihlawn zawh tum lirthei leh a chhunga chuangte kan lo him theih nan thupek chhuah tula hriat a ni a,hei vang hian –Divisional Magistrate, Mamit Sadar Sub-Division chuan Sec.144 Cr.PC 1973 in thuneihna a pek angin a hnuaia mi ang hian thupek a chhuah.

“Ni 5.8.2017 ( Inrinni ) tlai dar 6 leh Ni 7.8.2017 ( Thawhtanni ) zing dar 8 inkarah Tut lei chu lirthei lian chi (Medium & Heavy vehicle) tan zawh phal a ni lo. Lirthei te chi (light vehicle) erawh chuan leihlawn hlui (Bailey bridge) an zawh thei ang”.

He thupek zawmlo te chu section 188 of IPC hmangin hrem theih an ni ang.