N0.720/2020-2021
Bairabi - Zamuang inkar Teirei Lei (Bailey Bridge) siamthat hna chu nimin Dt 30.4.2020 hian zawhfel a ni a. Chutihrualin a foundation hi a la nghet tawk lova hriat a ni a. Lirthei lian rit phur tan zawh a la him lova hriat a nih vangin SP Mamit chuan Motor Vehicle Act 1988-in thuneihna a pek angin Ni 1.05.2020 atanga 30.05.2020 chhung hian Teirei lei ( Bailey Bridge ) chu lirthei Tata 407 leh a chunglam eng chi mah kal/zawh phal a ni lo.
He thuchhuah hi ngaipawimawh theuh turin mipuite ngen leh hriattir kan ni a. Thupek bawhchhiate chu u/s 179 MV Act hmanga hrem theih an ni ang.
