No.3319/2020-2020
Mamit 21st July, 2020 : Animal Husbandry & Veterinary Department hnen atanga thu kan dawn angin Mizoramah Vawk natna hri, PRRS ( Porcine Reproductive and Respiratory Syndrome) leh African Swine Fever leng thei dinhmunah kan la din zel rih avangin heng hrileng laka Mamit District kan lo him zawk theihnan Dr Lalrozama, IAS, District Magistrate, Mamit District chuan Sec 144, Cr. PC, 1973 ( Act of II of 1973) in thuneihna a pek angin a hnuaia mi ang hian thupek a chhuah:-
1. Mamit District chhungah khawi atang mahin Vawk lakluh phal a nilo. Amaherawhchu, Mizoram Sawrkarin a bika lakluh phalna a pekte chu a huam lovang.
2. Thenawm ram ( foreign countries) State dang leh District dang atanga Vawk, Vawksa leh Vawksa atanga eitur siam reng reng lakluh leh thawn chhuah khap tlat a ni.
3. Vawk thi reng reng paih mai mai lovin thuk takah phum thin tur a ni.
4. Vawk talh tute'n Vawk hrisel tha chauh an talh tur a ni.
5. Vawk neitute'n Vawk damlo an hralh tur a ni lo.
Thupek bawhchhetute chu Sec - 188 IPC hmanga hrem theih an ni ang. He thupek hi chhuah anih atanga thla 2 (hnih) chhung a huam ang.
