No.1056/2021-2022

Aizawl 21st June 2021: Vawiin khan Aizawl DC chuan Thutak Nunpuitu Team (TNT Camp), Muanna Veng chu Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang hi a ni e. 

 Aizawl khawpui chhungah COVID-19 positive hmuhchhuah  a pung zel a. Veng/hmun thenkhatah chuan COVID-19 punna hi a tam zualin, heng veng/hmunte dinhmun hi zirchian a nih hnuah COVID-19 hrileng darh zel tur venna atan Containment Area-a puan a ngai tih hmuh a ni a.

 20th June, 2021 khan Sawrkar hmalakna a COVID-19 test neihah Thutak Nunpuitu Team (TNT Camp), Muanna Veng ah mi engemawzah COVID-19 vei hmuhchhuah a ni a, chuvangin, regulation  11(1)  of the Mizoram Epidemic Diseases (COVID-19) Regulations, 2020 behchhanin Thutak Nunpuitu Team (TNTCamp), Muanna Veng hi ni 21.06.2021 zing4:00am atangin Containment Area-ah puan a ni.

 He area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No. 16011/298/2020- DC(A)/Lockdown dt. 6.5.2021 in phalna a pekte bak mi tumah an lutin an chhuak tur a ni lova, building/ block hrang hranga awmte pawh an in tlawhpawh phal a ni lo ang. Containment Area-a hman tura inkaihhruaina (SOP) thil tel chu mitinin an zawm vek tur a ni.

Heng Containment Area chhunga khawsa, harsatna neite tan a hnuaia mite hi biakpawh theih an ni ang.