1543/2025-2026

Lunglei, 2025 Thlazing ni 6: Tlabung leh Tuichawng inkar kawng (Jalebi Kual) chu ni 07.08.2025 aṭanga ni 10.08.2025 chhungin siam ṭhat hna thawh a nih dawn avangin, vawiin khan Lunglei District Superintendent of Police Pu J. Lalmuankima chuan The Motor Vehicles Act, 1988 section 115/117 leh Government of Mizoram Notification No.B.12012/10/2004-TRP Dt. 1.6.2020 tlawh chhanin a hnuaia mi ang hian lirthei tlan theih hun tur ruahmanna siamin, hriattirna a chhuah.

I. Kawng khar hun:
(1) 09:00AM to 12:00PM
(2) 02:00PM to 05:00 PM

II. Kawng hawn hun:
(1) 12:00PM to 02:00PM
(2) 5:00PM to 9:00AM

He thupek hian ni 07.08.2025 aṭanga ni 10.08.2025 thleng a huam ang. Hei hian dan leh thupek kengkawhtu Police duty, Magistrate duty, Fire & Emergency Service, Excise & Narcotics Department duty, Medical Duty, Disaster Response Force-te leh ṭul bik thila Superintendent of Police, Lungleiin phalna a pekte chu a huam lo ang.

Kawng khar hun chhung hian Heavy Motor Vehicle (HMV)-te tlan dan tur SDO(C), Tlabung leh SDPO Tlabung te'n a hmunah a ṭul angin ruahmanna an lo siam ang.