Kumin Republic Day chu ramchhung hmun dangte rualin Tlabungah pawh chawhma dar 10 atangin urhsun taka hman a ni dawn.

Nimin chawhma dar 10:30 khan Tlabung SDO (C) Pi V Lalmuanpuii leh Tlabung khaw chhunga department hrang hrang hotute, VC leh NGO bakah, zirna in leh political party aiawhten a chamber-ah kumina Tlabunga Republic Day hman dan tur an rel a, Tlabung SDO (C) pisa kawt tualah urhsun takin kumin Republic Day hman rel niin, Sorkar hnathawkte chu kim taka kal vek tura beisei leh hriatir an nih thu, vawiina meeting-ah hian sawilan a ni. 

Thutkhawm kaihruaitu Pi V Lalmuanpuii chuan, Republic Day chu Sorkar hnathawkten pisa an kai loh ni - holiday satliah a ni lo tih sawiin, a pawimawhna leh hlutna hriain Sorkar hnathawkte chu he ni hmannaah kal vek tura ngaih an ni tih a sawi a, kum dangah he ni ngaipawimawh tak tak an awm laiin ngaipawimawh tawk lo an awm thu sawi a awm thin nia sawiin, kuminah erawh kokim taka he ni hmannaa kal vek turin Sorkar hnathawk leh khawtlang mipuite a sawm a ni.    

Kumina Tlabunga Republic Day hmanaah hian Tlabung SDO (C) Pi V Lalmuanpuii chu khuallian a ni dawn a, chawhma dar 10 atangin kum dang zawng aia urhsun zawkin kumin Republic Day hman an rel a, mawhphurhna hrang hrang nei turte ruat an nih bakah, 159 battalion BSF-te chu guard of honour pe tura ruat an ni.