4955/2025-2026 

Dated Aizawl the 22nd March 2026 : March Ni 20-21, 2026 chhung khan Tlawng Sihhmui Kai ah Nghakuai Chiah Runpui neih a ni. Fisheries Department, Sihhmui Branch YMA leh Mizoram Angling Association te tang hovin Nghakuai Chiah Runpui hi a vawi 2na atan an buatsaih a, Khua a that loh avangin beisei angin nghakuai chiah an tam lo na a, kum hmasa lam aiin sangha hi an man hnem zawk a ni. Sangha man lian ber hi  Malsawmtluanga, Salem Veng niin 6.825kg a rit a man a ni. Sangha man hnem ber R.Lalrinsanga, Tuithiang Veng chuan sangha 8 a man bawk.

A kharna inkhawm hi Er.Lalrothanga, Secretary, Fisheries Department hovin ni 21.3.2026 khan neih a ni a. Ani hian  sangha leh luidung nungcha te humhalh a pawimawh zia sawiin, hemi ti tur hian nungcha humhalh mai bakah kan luidung te a bawlhlawh loh nana kan humhalh tel a tul zia a sawi a. Kan bawlhlawh leh thli te luidunga a luh loh nan mitin fimkhur turin a chah a ni.  Inkhawm kaihruaitu Pi Zonuntluangi, Director, Fisheries Department chuan dan lova sangha man a thatloh dan leh hrem theih a nih thute a sawi a. Sihhmui Branch YMA Secretary in report pein, Mizoram Angling Association President in thu a sawi bawk. Heng lawmman memento mawi tak leh pawisa fai keng tel hi sem zui a ni:

1.    Sangha man lian ber – 1st Malsawmtluanga, Salem Veng

2.    Sangha man lian ber 2nd R.Lalrinsanga, Tuithiang Veng

3.    Sangha man lian pathumna -Benjamin Vanlalpeka, Luangmual

4.    Sangha man hnem ber R.Lalrinsanga, Tuithiang Veng

5.    Hmeichhia Angler tha ber -Jenny Zorinmawii, Dawrpui Vengthar

6.    Sangha mantu naupang ber -Isaac Vanlalhriatkima, Tuithiang Veng

7.    Sangha mantu upa ber – Vanlalthanga, Sihhmui

Luidung nungcha te hi bomb, dynamo, tur chi hrang hrang hmanga hrai a mante hi pawisa chawi leh lung in tan thlenga hrem theih a nih avangin Fisheries Department chuan luidung nungchate humhalh theuh turin mipuite a ngen a ni.