No.1109/2021-2022

Aizawl, 24th June, 2021 : Dr. Pachuau Lalmalsawma, State Nodal Officer & Spokesperson, COVID-19 chuan June ni 20 & 21 khan Thutak Nunpuitu Team Centre, Muanna Vengah COVID-19 positive 555 hmuhchhuah an nih thu vawiin khan thuchhuah siamin a tarlang.

June ni 20, 2021 (Pathianni) khan Thutak Nunpuitu Team (TNT) Centre, Muanna Venga Covid-19 Mass Screening Test runpui neih a ni a, TNT a thawktute leh Inmates te Rapid Antigen Test hmanga sample endik sak mi 1099 zingah COVID-19 positive 539 (Mipa – 431, Hmeichhia – 108) hmuhchhuah an ni.

June ni 20, 2021 (Pathianni) a RAgT negative, symptom nei si mi 124 te chu June ni 21, 2021 (Thawhtanni) khan State Field Laboratory Unit (IDSP) ten RT-PCR hmanga test turin sample an lak sak leh a, an zingah hian COVID-19 positive 16 (Mipa – 14, Hmeichhia – 2) hmuhchhuah leh an ni.

June ni 20 & 21, 2021-a Thutak Nunpuitu Team Centre, Muanna Venga Covid-19 positive hmuhchhuah zawng zawng chu mi 555 (Mipa – 445, Hmeichhia – 110) an ni a. Sample Test zawng zawng zat hi 1223 ( RAgT -1099, RT-PCR – 124) a ni. Positivity rate hi 45.38% a ni.

June ni 10, 2021 (Pathianni) a sample la tura thawhchhuah dan chu hetiang hi a ni:-
State Field Laboratory Unit (IDSP) - 11
Trinity Hospital - 4
Aizawl Hospital - 2
Ebenezer Hospital - 2
Total - 19

Dr. Pachuau Lalmalsawma chuan TNT a COVID-19 hri kaite zingah hian tun dinhmunah ngaihtuahawm an awm loh thu a sawi a, sample lak hna hautak zet mai thawk tura Private Hospital ten an telpui thu sawiin, thawhhona tha tak an neih avangin lawmthu a sawi bawk a ni. ICMR guidelines anga sample test hi an kalpui thu pawh sawiin, ICMR guidelines ah chuan RAgT positive te chu positive chiang sa, test nawn ngai lo an ni a. RAgT negative, symptom neite erawh RT-PCR hmanga sample test nawn leh tura tih a ni.