No.1013/2021-2022

Aizawl, 17th June, 2021 : Kumin Tokyo Olympics a India Hockey Team a khel tur final list vawiina puan chhuah ah Kolosib nula Lalremsiami a tel.

Sports Minister Pu Robert Romawia Royte chuan kum 25 zet Mizoram atanga Olympics a tel pha awm tawh loh hnuah India Hockey Teama Lalremsiami a tel chu Mizoram leh Mizo hnam tan a lawmawm tak zet a ni tiin Mizoram leh India ram timawitu ni zel tur leh, Olympics Medal khel chhuak ngei turin Mizoram Sorkar leh mipui aiawhin Lalremsiami chu duhsakna a hlan a. Remsiami hlawhtlinna chu Mizoram Sorkarin a hriatpuiin amah puihna leh chawimawina pawh Dan anga ngaihtuah zel a ni ang a ti.