2037/2022-2023
Aizawl, the 23rd September 2022 : Tourism Department chuan Mizoram Sawrkar Flagship Programme pawimawh tak mai Family Oriented Socio-Economic Development Policy (SEDP) 2022-23 hnuaia Tourist Guide/Tour Operator trade thlang mi 26 te tan Chaltlang Tourist Lodge ah 19 – 23 September 2022 chhungin training a buatsaih a. He training ah hian tourism lama mithiam tak tak ten training an pe a. He trade thlangtu te hian eizawn nan leh hmasawnna atana an lo hman theih nan uluk taka training hi kalpui a ni.

Training te hi Mizoram Registration of Tourist Trade Act, 2020 hnuaia Sawrkar in ruahmanna leh kaihhruaina dan a siam hrang hrang te zirtir an nih bakah practical training te  neih pui an ni a, exam te buatsaihin an vaiin tha takin exam hi an paltlang vek a ni. September ni 27 2022-a World Tourism Day Vanapa Hall-a hman hunah Certificate leh License te hlan an ni ang.