2813/2023-2024

Aizawl 21st November, 2023 : Tourism Department chuan Winter Festival 2023 Cum Mega Exhibition buatsaih tuma hmala mekin vawiin khan Tourism Department Officials hovin MINECO Building - 1 ah Winter Festival 2023 Cum Mega Exhibition hman dan tur relin thutkhawm a ni.

Meeting-ah hian Winter Festival 2023 Cum Mega Exhibition chu December Ni 11 - 16 hian AR Ground-ah neih tura ruahman a ni a. December Ni 7 hian a khuhhawn nan Elle Media (Supported by Mizoram Tourism) te'n an chahchhuah tur Vengaboys te'n AR Ground-ah tho Concert an rawn nei dawn a. Winter Festival Cum Mega Exhibition-ah hian Stall hrang hrang buatsaih a ni dawn a. Mit leh beng titlai tak tak Live Concert, Cosplay bakah Variety Programme nuam tak tak awm tura ruahman a ni a. Hemi hun atana mawhphurhna chanvo hrang hrangte Meeting-ah hian inpek nghal a ni bawk.

He hun hi Zoram mipui a tam thei ang berin hlutsak a, chhim theuh turin Committee chuan a sawmin a ngen tak meuh meuh a ni.

Vawiin thutkhawmah hian Pu V. Lalengmawia Jt. Secretary Tourism Deptt. leh Pi Zonunthari Dy. Secretary, Tourism Deptt. te'n Winter Festival Cum Mega Exhibition hman dan tura ruahmanna tlangpui an sawi a. DC, SP, SP Traffic, Assam Rifles, Department hrang hrang aiawhte bakah Event partners-te he hunah hian an tel a ni.