Tourism Minister Pu S.Hiato leh Parliamentary Secretary Pu H.Zothangliana te chuan ni 21.3.2009 Inrinni khan lehlangin Aibawk, Sialsuk leh Hmuifang khuate tlawhin heng khuate a Tourism Department in hmalakna tur leh insak tur te an enpui a. He an tlawh tuma a hmuna thutlukna an siam zulzuiin Department te chu hmala nghal tura hriattir an ni.

Sialsuk leh Hmuifang khawtlang hruaitute pawhin Minister hnenah hian tui lama an harsat zia te thlenin, an harsatna te sutkiansak turin an ngen a. Minister chuan a rang thei ang bera tuilakna tur survey Hmuifang a nei turin PHE hotute a hriattir a. Hmuifang Tourist Resort a ruahtui khawlna tur tanky siamna ruahman tel turin PHE Officer te a hrilh bawk.

Minister in a tlawh khua a khawtlang hruaituten an harsatna an thlen te hi sawrkar chuan theihtawp chhuahin a lo enpui dawn a ni tih a hrilh bawk. A sawizelna ah Minister chuan Aizawl - Lunglei World Bank kawng zawhfel a nih hnuah chuan ramchhung leh foreign tourist tam takin helai bial tlang leh phul mawi tak tak te hi an rawn tlawh anga, chung tourist te atang chuan mi tam takin sum leh pai an lalut dawn a ni tih a sawi a. Chuvangin sawrkar hmalakna te rilru zau taka lo tawiawm thin turin khawtlang hruaitute Minister chuan a ngen nghal a ni.

Minister leh Parliamentary Secretary te hi Tourism Officer te, PWD leh PHE Department tan an tawiawm a ni.