3048/2023-2024

Aizawl, the 14th December, 2023: Vawiin tlai khan Tourism Minister Pi Lalrinpuii chuan Tourism Department hotute kawmin inhmelhriatna hun a Pisa-ah a neihpui. He hunah hian Mizoram Tourism hmalakna leh hmachhawpte sawi ho a ni.

Tourism Minister Pi Lalrinpuii chuan Tourism chu industry a nih angin hemi kaltlanga sum leh pai thawhchhuah kawngah hmasawnna a awm theih nana tanlak a tul thu sawiin, siamthat ngai lai zawnchhuaha siamthat hna thawh leh hmasawnna a awm theih nana zirchian ngai laite zirchian chu thil tul hmasa ni a a hriat thu a sawi a. Tourist Lodge thawmthat ngaite a rang thei ang bera bawhzui a tul thu a sawi bawk a. Tourism Department chu tourism chawisan leh tihhmasawn kawnga hmalatu leh midangte tana kawng kawhhmuhtu pawimawh tak a nih thu tarlangin, tourism kaihhnawiha inhnamhnawih hrang hrangte thawhpui thiam turin Department hnuaia thawktute a chah a. Sawrkara chhiah chhunluh kawnga tanlak a tul thu leh langtlang taka hmalak a pawimawh thu sawiin, thawktute chu tourism tihhmasawn kawnga thahnemngai taka thawk tur leh rinawm taka thawk turin a fuih a ni.

He hunah hian Power Point Presentation hmangin Tourism Joint Secretary Pu V. Lalengmawia'n Department hnuaia project hrang hranga hmalakna leh hmachhawpte bakah Tourism Department-in harsatna a tawhte a tarlang a. Hmalakna tur leh pawimawh dangte Tourism Minister ho hian sawi ho a ni.