2027/2022-2023
23.9.2022: Nimin khan Tourism Minister Pu Robert Romawia Royte chuan New Delhi-ah Union Culture & DoNER Minister G.Kishan Reddy chu kawmin Mizoramah Tourists te hip nan leh Mizo culture tihnun zel nan Mizo Heritage & Cultural Centre din a rawt a, Cheng nuai 2000 lakh senna tur Project Report chu Mizoram sorkarin NEC-ah thehluh a nih tawh thu a hrilh bawk. Hei bakah hian Tourism Minister chuan Mizoram leh Zoram pawna Mizo tamna hmuna Zo Kûtpui hmanna tur Project pawh sanction ngei turin a ngen bawk.

Mizoram Institute of Hotel Management a taka function a nih theih nan Mizoram Cabinet chuan Posts te pawh a siam tawh thu hrilhin a taka function tura infrastructure ngaite siam belh nan Tourism Minister chuan rawtna a thlen bawk a. DoNER Minister GK Reddy chuan Tourism Minister Pu Robert Romawia Royte rawtna te chu a lo bawhzui tur thu hrilhin Ministry of Culture sum pek tura Thenzawla Event siamna tur rawtna phei chu sanction nghal a nih tur thu a hrilh a ni.

ICT Minister ni bawk Pu Robert Romawia Royte chuan Mizoram IT project sanction tura MEITY Ministry-in a reccomend tawh pawh Finance Ministry-ah bawhzuiin Additional Secretary Finance Ministry chuan sanction thuai an tum thu ICT Minister hi a hrilh a ni.

Sports Minister Pu Roberta hian Sports Ministry-a Mizoram projects te a umzui bawk a ni.

Minister hi Pi Manisha Saxena, IAS, Tourism Principal Secretary, Pu Ajay Choudhury, IPS, OSD Delhi Mizoram House, Pu V.Lalengmawia, MCS, Tourism Jt Secretary leh Pu Saitluanga, Tourism Director ten an tawiawm a ni.