Tlangnuam Local Council leh EE, PWD, Aizawl Road South Division te biak rawn anih hnuin, Tlangnuam Road, Kulikawn to Mualveng via Mary Mount School inkar kawngpui chu PWD in kawng siamthat hna an thawh dawn avangin, chak zawka hnathawh anih theih nan Zing Dar 9:30AM - 12:00 Noon inkar chhung chu helai kawngpui hi block a ni ang a, Chawhnu lam Dar 1:00PM hnulam chu lirthei awmdan azirin Traffic Police leh Local Council te nen inberawnin kawng hi siam thin-a ni ang tih Sr. Traffic SP Pu Rodingliana Chawngthu chuan mipuite a hriattir a. He thupek hi helai kawngpui hmangtu lirthei khalhtu ten zawm theuh tura ngen an ni. Kawng siam that hna thawh a nih hun chhung hian a chunga sawi kawngpuiah hian hnathawk tibuai thei turin lirthei eng chi mah hun/park phal a ni lo bawk a ni.

He thupek hi Dt. 25.10.2019 atanga hman tan tur a ni anga, kawng siamthat zawh anih hma chu hman tur ani ang.

He thupek hian chhiatrupna thil, kangmei leh emergency kaihhnawiha duty leh dan leh thupek pawimawh bika Police leh Magistrate duty te chetvelna a huam lo ang.