Nimin khan Transport Minister leh Co-ordination Committee Chairman ni bawk Pu P.C. Zoram Sangliana, hoin a chamber-ah Aizawl khawpui chhung a lirthei tlandan leh a kaihhnawih harsatna tam tak chinfel dan tur ngaihtuahin an thukhawm.
Pu Zoram Sangliana chuan heng harsatna te chinfel dan tur ngaihtuah hi thil hmanhmawh thlak leh rang taka hma lakna tur te nimahse duh anga rang a hmalak zung zung a harsa hle a. Chuvang chuan Aizawl khawpui chhung leh a chhehvel a lirthei tlan dan leh him zawk a kalpui dan tur chungchangah hian a kaihhnawih Department hrang hrangte tanruala thawhho that a tul hle a ni a ti. He Meeting-ah hian Transport Secretary Pu K. Lal Nghinglovan hmalak tawh dan hrang hrang te a sawi fiah a, chumi hnuah chuan Department hrang hrangte hna chanpual leh an mawhphurhna hma lak dan tur an sawi ho nghal a ni.
Heng kan sawi zingah hian Vanapa Hall bul a Mizofed Petrol Pump chu kangmei leh rikrum thila hnawksak a nih avangin sawn nise tha an ti a, a hmunah hian Parking leh mipui tan hmunthawl tha siam nise an duh thu te, Vaivakawn zingzum laitak a mimal ram Motor kal harsatna siam thei chinfel dan turte an sawi ho a. Heng bakah hian Khawpui chhunga Workshop leh Hoarding hnawksak chinfelte, kawngpui hrul a mihring kea kalna siam belhte rawtna an siam a. Tin, ke a kal tan kawngpui kan na Raj Bhavan hmarlam Gate ah te, Treasury Square ah te Canteen Square ah te siam nise an ti.
He Committee hian khawpui chhunga lirthei chetsualna laka mipui kan himzawkna turin Driver te zirtirna buatsaih tam a kum tlinglo motor khalh khap nise tih te, motor lian reng rengin zing dar 7 atanga tlai dar 7 thleng Aizawl khawpui chhungah tlan tlang phal loh nise tih te leh rawtna hrang hrang an siam a ni. VIP Light hman chungchangah pawh dan dinglai anga khauh zawk a ken kawh nise an ti.
Heng kan sawi zingah hian Vanapa Hall bul a Mizofed Petrol Pump chu kangmei leh rikrum thila hnawksak a nih avangin sawn nise tha an ti a, a hmunah hian Parking leh mipui tan hmunthawl tha siam nise an duh thu te, Vaivakawn zingzum laitak a mimal ram Motor kal harsatna siam thei chinfel dan turte an sawi ho a. Heng bakah hian Khawpui chhunga Workshop leh Hoarding hnawksak chinfelte, kawngpui hrul a mihring kea kalna siam belhte rawtna an siam a. Tin, ke a kal tan kawngpui kan na Raj Bhavan hmarlam Gate ah te, Treasury Square ah te Canteen Square ah te siam nise an ti.
He Committee hian khawpui chhunga lirthei chetsualna laka mipui kan himzawkna turin Driver te zirtirna buatsaih tam a kum tlinglo motor khalh khap nise tih te, motor lian reng rengin zing dar 7 atanga tlai dar 7 thleng Aizawl khawpui chhungah tlan tlang phal loh nise tih te leh rawtna hrang hrang an siam a ni. VIP Light hman chungchangah pawh dan dinglai anga khauh zawk a ken kawh nise an ti.
