Vawiin chawhnu dar 1 ah tanin Pu R. Lalzirliana, Home Minister kaihhruaina in a office chamber-ah Traffic Management Committee Meeting pawimawh tak neih a ni.

He meeting hian AMC Control & Parking and Collection of Parking Fees Regulation 2012 leh a dangte chungchang chi hrang hrang sawihona neih a ni a. Heng Rules leh Regulation hi chu a tul anga siamthat ngai a awm chuan siamtha turin a department changtu hnenah thlen nise tiin a rel. Chubakah Pedestrian Footpath Assembly kawt atanga Assembly Annexe thlanglam siam chungchang sawiho a ni a, Minister leh mi pawimawh ten vawiin tlai 4:30 ah enfiah nghal tura tih a ni.

Aizawl khawpui chhung hmun hrang hrang siamthat ngai lai leh tihzauh ngai laite pawh sawiho a ni. Chubakah Mizoram Counter Owner Association (MCOA) ten Maxi cab stand sawn avanga harsatna sukiang tura ngenna pawh sawiho a ni a; tun dinhmunah chuan a ngaia kal rih tha a hriat a ni.

Minister hi Lt. Col (Rtd.) Z.S. Zuala, Parliamentary Secretary in a tawiawm a ni.