MV Act 1988(Act No. 59 of 1988) Section 116 & 117 na tlawhchhan in Aizawl District Superintendent of Police(Traffic) chuan Notification B.12021/10/04-TRF Dt 22.08.2008 chhuah in Khatla huam chhungah lirthei dah/park dan tur thupek a chhuah a, he thupek hi 28th May, 2012 (Thawhtanni) atanga hman tan tur a ni ang.

1. Khatla kawn atanga Chawnga Road pan pheina kawng pengthuam atanga BSNL Pillar No. 84 na thleng, 20 meters a thui hi dropping zone a hman tur a ni.

2. BSNL Pillar No. 84 na atanga Chhimlam YMA In luhna step chhim lam thleng, 25 meters huamchhung hi Two wheeler 40 tan Parking Area a hman tur a ni.

3. YMA In luhna Step chhim lam ban atanga Pu Thanglawta In luh chhohna step hmar lam ban thleng, 30 meters huam chhung hi LMV 6 tan Parking Area a hman tur a ni.

4. Pu Thanglawta In luhna step hmar lam ban atanga Pu Thanglawta In step chhimlam ban thleng, 17 meters huam chhung hi Two Wheelers 20 tan Parking Area-a hman tur a ni.

5. Pu Thanglawta In chhimlam thir ban atanga Khatla Biak In hmar lam ban thleng, 58 meters huam chhungah lirthei eng chi mah dah phal a ni lo.

6. Khatla Biak In hmar lam ban atanga chhim lam hawi in thirban thleng, 34 meters huam chhung hi Two Wheelers 44 tan Parking Area a hman tur a ni.

7. A chunga sawi thir ban atanga chhim lam 70 meters huam chhung hi LMV 15 tan Parking Area a hman tur a ni.

8. Khatla kawn atanga YMA In inkar Bethel road ah lirthei eng chi mah dah phal a ni lo.

9. Chawnga Road phei a Maxi Cab ding thin zawng zawng te chu Bungkawn Bazar piah kawng zau laiah din vek tur a ni.

He thupek thar hian thupek lo awm tawh sa a luahlan nghal ang.