Rajiv Gandhi Stadium, Mualpui ah ni 22nd April, 2017 hian Aizawl Football Club leh Mohun Bagan Football Club-te chuan Hero I-League an khelh dawn avangin mipui vantlang him zawk nan leh lirthei tlandan mumal tak-a awm theih nan hemi ni 22nd April, 2017 a hman tur atan ahnuai ami ang hian Aizawl Traffic S.P chuan thupek a chhuah -

1. College Veng Junction atanga 3rd Bn.MAP Gate inkar kawngpui sirah lirthei tlan tikhaihlak zawng a lirthei dah/park phal a ni lo.

2. Zero Point leh ITI, Mualpui Junction inkar kawngpui ah lirthei eng chi mah Chhun dar 12:00 leh Tlailam dar 6:00 inkarah dah/park phal a ni lo. Tin, Zero Point lam atangin chho zawngin lirthei Chhun dar 12:00 leh Tlailam dar 2:30 inkarah tlan phal a nilo.

3. Zero Point to R. Dengthuam Multipurpose Hall & Rajiv Gandhi Stadium junction inkarah lirthei eng chi mah Chhun dar 12:00 atanga Tlai dar 6:00 inkarah dah/park phal a nilo

4. Zero Point to Republic Veng via Salem Veng, Arhuan hi One way tur a ni a,
Chhun dar 12:00 atanga Tlailam dar 2:00 inkarah lirthei chho zawnga tlan phal a
nilo a, Tlailam dar 3:00 atanga dar 6:00 inkar chhungin helai hmunah hian-lirthei
chhuk zawng a tlan phal a nilo.                                                                                           

5. Falkland veng (ITI & World Bank Road junction) to Zampuimanga Thlan (Kulikawn hnuai) via Zero Point, Salem Veng (Aizawl by-pass road/World Bank Road) ah Chhun dar 12:00 leh Tlai lam dar 6:00 inkarah motor lian eng chi mah tlan tlang phal a. nilo (A remchan dan azirin Traffic Police a hmuna duty ten hei hi an siamrem thei ang.)

6. Rajiv Gandhi Stadium, Mualpui hi engtiklai pawhin HMV tel lovin Falkland/Melthum (Zampuimanga Thlan) atangin World Bank Road zawh in pan theih bawk a ni.

7. R. Dengthuama Multipurpose Hall leh a chhehvel ah lirthei park a remchan dawnloh avangin lirthei keng zawng zawng te chu 3rd Bn.MAP Parade Ground ah leh World Bank Road kawngsir kopang lamah chauh park, tur a ni a, mi dang lirthei park tawhsa dahthuah/park thuah phal anilo.

8. Venghnuai Field leh Damveng inkar kawng chhuk chho ulh takah hian Chhun dar 12:00 atanga Tlai dar 2:30 inkarah chhuk zawng chauhin lirthei tlan phal a ni.a, Tlai dar 3:30 atanga dar 6:00 inkarah chho zawng chauhin lirthei tlan tur a ni. 

Hei hian chhiatrupna thil kangmei leh emergency kaihhnawiha duty leh dan leh thupek pawimawh bika duty te chetvelna a huam lo ang. 

VIP leh abik taka phalsakte leh car pass pekte a huam lo bawk ang.