Prime Minister of India Narendra Modi in Mizoram a rawn tlawh dawn avangin December Ni 14, 2017-a lo chhuah tawh chhunzawmin mipui vantlang leh lirthei khalhtute remchan zawk nan leh harsatna an pumpelh theihna atan a hnuai ami ang hian hriattirna thar chhuah a ni e:
1. Prime Minister Narendra Modi lokal tur avang hian Thuampui Helipad atanga AR Ground inkar kawngpui via Bawngkawn, Chaltlang, Zarkawt, Dawrpui, Zodin Square etc-ah hian December Ni 16, 2017 zing dar 8:45 atanga chhun dar 11:30 inkarah lirthei eng chi mah ding leh tlan a awm loh nan kawng pengthuam tam takah lirthei tlan lai dan (blocked) a ni dawn a, chuvang chuan mipuiin harsatna kan tawh loh nan kawng dan (blocked) hun hria a helai kawnga tlan turte chu in hmakhua/inher rem hram hram turin kan in ngen a. Aizawl bypass road/World Bank Road leh Hunthar Veng (Company peng) atanga Khatla kawn via Vaivakawn, Dawrpui Vengthar leh Veng dangte pawh kawng hmang tangkai thiam turin kan in hriattir a. Lirthei hmanga zin veivaka ei zawng te, zin chhuak te leh mipuite pawh lo insiam rem tura ngen an ni.
2. Prime Minister programme-a AR Ground-a kal turte reng reng chu a chunga sawi lirthei dan (blocked) hun bi darkar hria a kawng dan hma, darkar khat hma ngeia AR Ground thleng hman tura inhmakhua lawk turin kan in ngen bawk a. AR Ground chhungah hian Main Gate ( Zodin) atang chauha a nawlpuia luhna siam anih avangin Prime Minister programme a kal turte reng reng chu helam hi pan ding tura beisei leh hriattir kan ni. AR Ground chhunga parking-ah phal bik bak chu luh phal a ni lo.
3. Prime Minister Programme-a mahni lirthei kenga kal tur reng reng chu driver hruai theuh turin kan in ngenin driver te pawh an motor kalsan lo tura beisei leh hriattir an ni. Mipui ten a theih chen chenah Taxi leh Bus hmanga AR Ground pan turin kan in ngen e.
Heng ruahmannate hi VVIP programme danglam ang zelin tih danglam theih a ni ang.
